About Assassu

Hej!

Ateqarpunga Gerda L Berthelsen, 32-nik ukioqarlunga Sisimiuninngaanneersuullunga, Assassu-lu ingerlataralugu. Aappaqarpunga nuunuuteqarlutalu marluk, Mille Ikiuna, sisamanik ukiulik aamma Viggo Minik, marlunnik ukiulik. Ilinniagaraara Inuiaqatigiilerineq - bachelor, Ilisimatusarfik 2018-mi naammassillunga. 

Assassu aallartippara assassornermut tunngasut meeraqalereernerma kingorna iserfigillluariarakkit soqutigillualerlugillu. Ingammik nuersaaneq ingerlattarpara, taassumalu iluani najoqqutassanik sananeq aallartillugu. 

Uannut assassorneq assassorneriinnaanngilaq, kisianni aamma tarnikkut nukissamik aallerfittut pingaarutilik. Tarnikkullu peqqinnermut sakkussatsialaalluni. Assassorneq massakkumiilertitsisarmat, qanga pisimasuniisitsinani, siunissamilu pisussaniititsigani, taamaammat assassorneq tarnermut iluaqutissamik tunisisarpoq.

Assassorneq ajornaannerulertinnissaa Assassumi naleqartitaraara, misigisimanassammat aamma allamik tunniussaqarluni iluaqutaasussamik. Massakkut nuersaanermi najoqqutassiamik saqqummersitsillattaasalilerpunga, kalaallisut aamma oqaaseqartalimmik. Pingaartitama aamma ilarimmassuk, kalaallisuinnaq oqaaseqartuulluni periarfissaqarnissaa aamma kalaallisut najoqqutassiaqarnissaa nuersaanermi.