Minik Sweater

Angissuseq: S (M) L (XL)

Sakissap nalaa kaajallallugu takissuseq: 105 (110) 115 (120) cm

Saavani ammut takissuseq: 52 (54) 56 (58) cm

Nuersaatit innersuussat: 4,5mm, 5mm, 5,5 mm.

Qillaqqortussuseq: 18 q / 10cm

Nuersagassiaq innersuussaq annertussusaalu:

Qalipaat 1: CaMaRose – Lamauld (100m/50g) imaluunniit Sandnes Garn - Perfect (100m/50g) 400 (450) 450 (450) g. Maluginiaruk angutinoortoq takinerussammat, nuersagassianik atuineq annertunerulaassaaq, 50 g-mik ilasinnaavatit.  

Qalipaat 2 (allai): CaMaRose – Lamauld (100m/50g) imaluunniit Sandnes Garn - Perfect (100m/50g) 50 (50) 50 (50) g

Minik Sweater tujuulussuaavoq oqortoq ukiumut tulluuttoq aammalu nuersagassiat atugassatut innersuussat toqqarneqarnikut ninngusuujullutik, aavartartunut aammalu asimiinnermut tulluuttussiatut takorluugaalluni. Soorunami aamma isersimaarutitut aamma atorneqakutsoorsinnavoq. Qulaaniik nuersarlugu aallartinneqqassaaq, talitai illikarattartinneratigut timaa nuersarneqarluni, naggataatigullu talii nuersarlugit.

Tujuulussuaq aalaffissaqarpoq 7-12 cm, soorlu sakissappit nalaa kaajallallugu uuttornerani 105 cm-riuppat, angissuseq L (115cm) toqqarsinnaavat, aalaffissaq uani 10cm.